Okey okey tvö vídjó í röð.. ekki mjög töff! En lofa skrifa eitthvað semi gáfulegt í vikunni... varð bara skipta út þessu prumpi í bili.. Hvað er betra en Ozzy þá?

Jæja eins og mig grunaði þá sprakk meirihlutinn .. var reyndar styttri tíma en ég hélt.. hélt að þeir fengju c.a eitt ár en jæja.. Maður hefur nú eitthvað aðeins séð svona áður (farið að minna ærlega á farsann heima í eyjum hérna í den þegar bakarinn mátti ekki taka sér frí) já núna er það málið.. má óli taka sér frí? er þá sprunginn meirihlutinn aftur? það er góð spurning!
En jámm allt að gerast í pólitík þessa daganna.. hálf lummuleg pólitík samt.. Bingi að kaupa sér föt í Dressman og allir brjálaðir, Bingi fer að grenja og segir að allir séu að stríða sér og allir hringja í Binga og segja ekki fara við vorum bara djóka sko! mátt alveg vera memm... og allir sáttir.. já nema Bingi því hann var að detta í minnihluta... jæja kannski að menn hefðu átt að hugsa aðeins meira um borgina en að velta sér upp úr einhverjum innanflokksdeilum alltaf hreint...

Hey já .. þá er kannski hægt að taka ákvörðun um að rífa þessi helvítis hús við laugarveginn? jii

Heyrðu já p.s Það er kominn köttur á heimilið! Ketill köttur heitir hann og koma myndir inn bráðlega

Jæja þá er það loksins búið.. áfanganum náð núna rétt tæpu ári seinna!! Í dag fór ég með BA ritgerðina okkar Kalla upp á skrifstofu félagsvísindadeildar og skilaði henni... það var afar góð tillfinning!! Að hugsa sér .. við ætluðum að skila vorið 2007 haha.. bjartsýnin að drepa okkur... Það sem við vissum ekki fyrir ári síðan að rannsóknin sem fór fram hjá frábæru fólki í einum grunnskólanum hérna á höfuðborgarsvæðinu myndi taka alla önnina.. og við vorum að klára rannsóknina í lok maí og þá var ekki mjög mikið svigrúm til að fara skrifa ritgerðina sjálfa... Síðan kemur sumarið og þeir sem ekki vita þá er ekki hægt að læra, skrifa ritgerð eða þykjast vera gera eitthvað gáfulegt þegar sumarið er komið... þá fer allur frítími í það að leika sér, príla uppá fjöll, fara í útilegu, vesenast út á sjó eða bara hvað sem er.. eitthvað .. bara ekki læra :)

Þegar haustið nálgast fórum við að spýta í lófana.. Kalli flutti til í baunaveldi og við skrifuðum ritgerðina í sitthvoru landinu (þess má til gamans geta að við hittumst ALDREI ... ekki einu sinni við skrif á ritgerðinni.. öll samskipti fóru fram á MSN og í gegnum póstforrit). Það er greinilega nýjir tímar í ritgerðaskrifum hér á landi.. maður var búinn að heyra þvílíkar sögur um að fólk eyddi dögum saman inn í kompum , farin að hata hvort annað við skrif á ritgerð.. en með þægindum internetsins getur maður bara tekið sé góða kaffipásu án þess að hinn aðilinn fari í fýlu hehe :)

Þetta gæti hugsanlega líka verið ástæðan fyrir því að þetta tók svona langan tíma hjá okkur? ég veit ekki... En samt c.a 4 og hálfur mánuður sem það tók að skrifa sjálfa ritgerðina er nú ekkert svo slæmt...

en jámm.. ætla ekki að hafa þetta mikið lengra en ég er semsagt búinn... ritgerðin er búin og núna er bara útksriftin eftir í febrúar og þá er þessi áfangi búinn og tími til kominn að huga að þeim næsta... hvað svosem það verður

Einn voða seinn i reykingaumræðunni... hehe nei nei mér datt bara í hug einn sniðugur og athyglisverður punktur í þessu öllu saman! Það er nefnilega málið að í flestum tilvikum þegar verið er að taka burt fríðindi eða réttindi fólks (alveg sma hvernig fólk lítur á þetta) þá er yfirleitt byrjað á einhverju einföldu og rólegu (svona ekki til að styggja fólk of mikið) og svo er fært sig yfir í að taka burt stærri og merkilegri hluti frá því...

En það virðist sem að þessu sé öfugt farið hjá reykingarfólki.. Eins og kannski flest allir vita þá var bannað að reykja í öllum opinberum byggingum fyrir mjög svo löngu síðan og þykir það bara nokkuð eðlileg krafa að þar sé ekki reykt... Það var samt ekki nóg með það að bannað væri að reykja inn í húsinu heldur einnig á lóðinni... Sem er athyglisvert út af fyrir sig því þar með var verið að banna fólki að reykja undir berum himni... og fólk sagði bara já.. ekkert mál

núna þegar reykirbann er komið á einkaaðila .. semsagt búið að banna fólki að reykja inni á vínveitingar og veitingarstöðum þá verður fyrst allt vitlaustm, það er þegar búið að taka af fólk frelsi til að reykja undir berum himni en þetta var síðasta hálmstráið..

undarleg forgangsröðum hjá reykingarfólki

Jæja þá er maður búinn að henda inn nokkrum myndum... Ég nenni eiginlega ekki lengur að taka myndir þar sem að myndavélin er orðin svo léleg... verð að fara fjárfesta mér í nýrri myndavél... en allavega ég náði að festa á filmu nokkrar myndir af undirbúningi fyrir VKB merkið sem fílhraustir menn setja upp á fellið góða... náði ekki myndum á deginum sjálfum þar sem ég var að dúlla mér við annað þann daginn... Myndir af undirbúningi má finna hérna og svo ættu myndir að fara berast frá Andra bráðlega.. svo fylgjast bara með hjá honum.
Síðan var ég á hliðarlínunni á Þrettándagleðinni í ár sem er afar undarleg tillfinning verð ég að viðurkenna... held að ég geri þetta aldrei aftur.. þetta er bara einum of skemmtilegt!! En jæja með hraunónýtri myndavél náði ég þó nokkrum myndum af tröllum og forynjum sem má sjá hérna
Síðan tók ég þetta stórskemmtilega vídjó líka

Njótið

Það er ekki oft sem maður lendir í hasar í þessu annars rólega hverfi sem Melhaginn er en í kvöld var undantekning. Ég var að koma heim áðan og þegar ég kem fyrir hornið sé ég að það skíðlogar í nokkrum jólatrjám hérna á gangstéttinni fyrir utan íbúðina hjá okkur sambýlingunum. Ég lagði bílnum og gekk rösklega að trjánum og byrjaði eins og sönnum slökkviliðsmanni að fjarlægja frekari eldsmat í burtu en það var kominn mikill reykur og var nokkuð ljóst að ég lagði sjálfan mig í mikla lífshættu við þetta björgunarafrek en það var nauðsynlegt þar sem nærliggjandi eik og ökutæki voru í hættu.

Eftir að ég hafði aðskilið hið skíðlogandi jólatré frá frekari eldsmat komu stórstjörnur til aðstoðar vopnaðir vatnsfötum og skóflum en það voru þeir huggulegu nágrannar Siggi og Logi en nafn hins síðari er afar skemmtilegt við þetta tilefni. Þeir helltu vatni á tréð og lömdu með skóflu... síðan voru málin skeggrædd á stéttinni um hvort ætti að fjarlægja trén, hella vatni á þau eða jafnvel hafa samband við lögreglu, enda nóttin ung og ótugtir gætu látið til skara skríða aftur... Ég ákvað að leyfa þeim kljást við málið meðan ég þakkaði fyrir hjálpina og bauð góða nótt um leið og ég læddist inn í kjallaraholuna mína angandi eins og nýbrunnið jólatré.

Afar sérstakt móment sem mér fannst ég verða tjá mig um...
góðar stundir

Verkfall rithöfunda er búið að vera í 66 daga núna.. nokkuð langt verkfall það en maður er svosem ekkert sárþjáður... sjónvarp er alveg jafn leiðinlegt og fyrir verkfallið og það þarf töluverk lengra verkfall svo að það fari að hafa áhrif á kvikmyndagerð!
Tolli bróðir kom með góðan punkt að núna kæmi kannski meira af góðum breskum þáttum í sjónvarpið aftur... finnst það afar góður punktur athugið það þarna hjá skjá einum!

En í tilefni verkfallsins er hérna afar stuttmynd af Youtube eftir Zach Braff.. nokkuð smellið.. Hver ætli hafi skrifað þetta? hmmmmmmm

Jæja þá er komið nýtt ár... og allir komnir í hversdagsleikann.. Jólin voru afar góð hjá mér enda alltaf gott að vera hérna á eyjunni á hátíðarstundum! Áramótin voru örlítið öðruvísi hjá mér þetta skiptið og nýtt ár byrjaði ekkert sérlega vel en við skulum bara vona að það versta á árinu sé liðið og nú sé bara bjartari tíð framundan!

En jæja nóg um það held að margir séu orðnir spenntir að vita niðurstöður úr getrauninni... það voru þó nokkrir sem sendu inn svör .. en margir sem þorðu því ekki eða nenntu ekki sem missa bara af hehe .. En þetta var skemmtilegt og mikið um góð svör hjá fólki og greinilegt að menn eru vel inn í þessu. Áður en sigurvegarar eru kynntir þá er best að tilkynna hvaða myndir þetta voru... listinn er birtur með bónus stigunum líka þ.e.a.s að nefna þá leikara sem voru með á myndinni.

1. Star trek First contact – (Bónus Brent Spiner & Patrick Stewart)
2. War of the worlds - (Bónus Tom Cruise)
3. Ghostbusters 2 (bónus Peter McNicol og Wilhelm von Homburg)
4. Santa Clause 2 (bónus Tim Allen, Liliana Mumy, BobBergen Hreindýrið)
5. True Romance (Bónus Christian slater og Patricia Arquette)
6. Super mario Brothers (Bónus sjá imdb lista yfir leikara goomba)
7. Time Machine (bónus Guy Pierce og Jeremy Irons)
8. Freaky Friday (bónus Barbara Harris og Marc McClure)
9. War of the worlds (Bónus Tom Cruise og Tim Robbins)
10. Indiana Jones : Raiders of the lost arc (Bonus Harrison ford)
11. The color purple (Bónus Oprah Winfrey)
12. Cliffhanger (Bónus Sylvester stallone og janine turner)
13. 2001 Space Odyssey (Bónus Douglas Rain sem rödd)
14. Blue Lagoon (Bónus Brooke Shields og Christopher Atkins)
15. Teen wolf (Bónus Michael J fox)
16. What dreams may come (Bónus Robin williams)
17. Ungfrúin góða og húsið (Tinna Guðlaugsdóttir og Ragnhildur Gísladóttir)
18. Spawn (John Leguizamo)
19. What is eating gilbert grape (Leonardo Dicaprio og Johnny depp)
20. Ed Wood ( Johnny Depp og Martin Landau)
21. Hot Shots Part Deux (Charlie sheen og martin sheen)
22. Spaceballs: The movie
23. The Fugitive (Tommy lee jones)
24. Moonstruck (Cher og Nicholas cage)
25. Resident evil: Apocalypse (Milla Jovoich og Iain Glenn)
26. Doom (Karl Urban og Rosamund Pike)
27. The Nightmare before christmas (Chris Sarandon )
28. My stepmom is an alien (Dan Akroyd og Kim Basinger)
29. Christine (Malcolm Danare)
30. TimeCop (Jean Claude Van Damme og Mia Sara)
31. Army of darkness (Bruce Campbell)
32. The Princess bride ( Cary Elwes)
33. Loaded Weapon (Emilio Estevez, Samuel l jackson og Erik Estrada)
34. Tombstone ( Kurt Russel og Val kilmer)
35. National lampoons Christmas vacation (Chevy chase)

Það var gaman að sjá að menn reyndu að svara ómögulegu hlutunum líka eins og hver væri að leika hreindýrið, eða Goomba í mario brothers... Sérstök hvatningarverðlaun fær Friðberg Egill sem svaraði tveimur slíkum eða hver talar fyrir HAL í 2001 og hver var annar leikaranna í spaceballs með greiðuna.. það var nokkuð vel af sér vikið haha

En jæja þá er komið að því ..
stigin eru talin eins og í fyrri keppnum að eitt mínusstig er veitt fyrir vitlausa mynd eða ekki svarað við einhverja mynd.

Keppni 1.

1.sæti Karl Lilliendahl Viggósson með 3 mínusa
2.sæti Dagný Jóhannesdóttir með 7 mínusa
3.sæti Sindri Snær Þorsteinsson með 7 mínusa (Dagný sendi á undan inn)
4.sæti Daði Guðjónsson með 12 mínusa
5.sæti Guðmundur Lúðvík Þorvaldsson með 14 mínusa

Skemmtilega að skötuhjúin eiga þarna efstu tvö sætin saman.. þau geta drukkið saman þessa einu kippu sem hann Kalli fær í verðlaun. Það þarf að nálgast þetta hjá mér bara. Eitt stk kippa af Thor bjór hehe

En þá er það aðal málið.. Keppni tvö þar sem ljóst var að mikil samkeppni yrði um efsta sætið og það er kominn nýr meistari... ég þurfti að telja 4 sinnum hjá efstu tveimur til að staðfesta það örugglega réttan stigafjölda. þetta var tæpt

Stigin hérna eru talin þannig að eitt stig fæst fyrir rétta mynd og EF og aðeins EF það er svarað rétt fyrir mynd fæst bónusstig. þ.e.a.s ef fólk nefnir aðeins leikara en sleppir mynd fær það ekki stig.

1.sæti Helen Laufey Sigurðardóttir með 74 stig
2.sæti Sindri Freyr Ragnarsson með 71 stig
3.sæti Friðberg Egill Sigurðsson með 69 stig
4.sæti Sindri Snær Þorsteinsson með 69 stig (Friðberg sendi á undan inn)
5.sæti Ástþór Ágústsson með 52 stig
6.sæti Ásgrímur Hartmannsson 37 stig

Þar með hefur Sindra verið hennt af hásæti sínu og hrifsað af honum virðing og von en engin hætta á þvi það kemur ný keppni á þessu ári og getur Sindri haft tækifæri til að ná titlinum aftur! En Helen þú átt inni hjá mér eitt stk kippu af ísköldum Thor Bjór.

Þetta var afar skemmtilegt og þakka ég öllum fyrir sem tóku þátt og öllum þeim sem tóku þátt í kvikmyndagetraun á árinu 2007... vonandi að fólk heldur áfram að taka þátt